Idy之家

今晚食左咩？

Wed, 27 Aug 2008 16:27:50 GMT

今日我煮左麻婆豆腐，番茄豬扒，腐乳炒通菜，再加多個粟米豆腐'更'，原本想煲湯點知最尾都係打消左。

因為未去志屋企拎d南北杏走呀﹗haha

不過上個禮拜我第一次煲呢個青紅蘿白豬骨湯呀﹗好好味呀﹗哈哈…

打風

Wed, 27 Aug 2008 16:24:01 GMT

由於上個禮拜五有阿鸚鵡黎左既關係，無端端又多日假啦﹗

不過呢個風真係好勁，吹到我d窗baba聲，攪到我地即刻拿拿聲貼d膠紙係窗到至得。

唔好以為我地就乖乖咁留係屋企喎﹗我地夜晚去左金鐘睇戲呀﹗因為志間公司原本攪左個star war電影比d同業睇嘛﹗

不過打風就真係好多人no show，計埋我同志只係得十個人左右包場睇戲呀﹗勁﹗

仲有free既爆谷同汽水飲，勁正﹗d位舒服喎﹗超正﹗只係套戲麻麻，睇到我好眼訓﹗

睇完搵野食，去左間美國餐廳，食左三百蚊，好飽呀﹗

尋晚食咩餸？

Wed, 20 Aug 2008 03:48:06 GMT

尋晚食咩餸？

尋晚煮左志好鐘意食既茄汁肉醬意粉+薯仔炆雞翼+苦瓜炒蛋。

一路睇女排，一路預備，但係等埋志返黎都要差唔多十一點先有得食呀﹗

奧運

Wed, 20 Aug 2008 03:45:51 GMT

呢排成日都睇奧運，中國今次好勁，拎左好多金牌。

禮拜日個日見到菲比斯拎第8金，就好想去游水，所以返會教會，同埋d組員去飲完茶後就去左我阿哥屋企度打左陣機。打完就落左去佢樓下個會所游水啦﹗個度都幾抵十蚊游一節，同埋個池都唔算多人，我地由六點半游到八點幾至走，游左差唔多2個鐘，倦死啦﹗

尋日女排好好睇，中國對俄羅斯，好精彩﹗希望中國不停咁win啦﹗拎到女排金牌啦﹗

Book左酒店啦﹗

Wed, 20 Aug 2008 03:41:11 GMT

我終於book晒酒店啦﹗以家住頭同尾2晚住radius，即係total 住4晚，頭2晚位coutier room，尾2晚住superior room。跟住中間2晚住magellan sutera

。

由於2間酒店分別係唔同website book，所以radius係用us dollar計，4晚就us 210，因為尾2晚係旺季要加附加費，所以貴d，加埋我地book superior room，所以仲要貴少少。

跟住2晚magellan sutera 就係priceline book，1020 一晚，2晚即係2040﹗都算係咁啦﹗

以家酒店+機票+機場稅個d，加埋2個人6100左右﹗唔知去到洗費貴唔貴呢？

見報

Sat, 02 Aug 2008 16:40:45 GMT

咁都影到﹗haha

不過影得個樣麻麻地喎﹗哈哈﹗至衰佢倦到死啦﹗

http://www.mingpaonews.com/20080801/gga1.htm

http://www1.appledaily.atnext.com//template/apple/art_main.cfm?iss_id=20080801&sec_id=4104&subsec_id=12731&art_id=11420628

蘋果真係勁，只係影個柯柏文冇影拎住個個人既人﹗haha

Maldives Honeymoon - Day 5

Thu, 31 Jul 2008 12:02:39 GMT

太耐冇寫番maldives honeymoon d野啦﹗等我再recall番我d記憶先。

18 feb 08

朝早八點幾九點先起身，出去食左個早餐就要返房執野啦﹗因為今日我地要換resort，仲要酒店幫我地安排左11點船黎接我地。

係呢度resort同resort之外冇得直接接送嫁﹗除非同一個集團個d resort就有，所以我地要係banyan tree搭船去到機場，再係機場等anantara d人黎接我地至得。

我地執完野就去左check out 啦﹗真係好唔捨得呢度，呢個resort d 人又好nice，個海又多野睇，真係好唔想走呀﹗咁我地離開前都係度拍唔少片，志仲要

因為拍我上船離既情況攪到撞到個頭添﹗陰公啦﹗實痛死啦﹗

經過左25分鐘後，我地到左機場島啦﹗係度anantara個d人黎左接我地，不過佢話要等埋一班飛機個d人先一齊走﹗等下等下，又等左成粒幾鐘，真係等到

想死，好似係度浪費緊我地時間咁，大佬呀﹗早知就唔安排banyan tree咁快送我地去機場啦﹗真係xzy佢呀﹗

到個零鐘後，個staff走黎話仲有d人未到，跟住又等左陣，佢至話唔等啦﹗原來都有幾多人陪我地一齊等呀﹗因為我地成船full晒，仲冇位放行李添﹗所以

我好不滿呢間酒店嫁﹗

跟住又經過八個字既船程終於都到左我地要住既resort啦﹗咁我地未落船，點知上到去冇幾耐，佢地追番我同志話我地個度未到，要係下個站至落船喎﹗我

心諗有冇攪錯呀﹗明明我地落船個度個牌係寫我地住個間resort喎﹗咁上番船我地又坐左一陣，去到一個碼頭，個度有條友就上船同我地講將我地upgrade

左上去佢地同一集團既naladhu resort喎﹗當時船上得番我地同另一pair外國人黎度咋﹗個時我心諗係唔係真係upgrade左呀？我冇聽錯嘛﹗因為佢講英文我怕

我理解錯。點知真係，個條友走左，佢地就放左我地去對面個個島度啦﹗

不過唔好開心住，因為入到去，我地等左陣都冇人理我地，但係另一pair外國情況已經有人service佢地，仲帶佢地去拎房添﹗頂﹗我地坐左成個幾2個字都冇

人理我地，個時我都好嬲，咁未叫志去問下，點知個staff要我地等下先﹗咁左好耐，至有另一個staff帶我地去餐廳度喎﹗我心諗，做咩冇端白事帶人去餐廳喎﹗

點知我地想問個時個staff就走左，個餐廳職員就問我地room no同想食咩？我心諗：我連check in都未做，何來有room no呀﹗

個時我都興興地，跟住志未話呢個情形點都要叫1杯野飲啦﹗我地未決定叫杯coke囉﹗但係好唔願意個隻，因為真係好貴，佢地又冇話我地知一杯coke幾錢喎﹗

我頂佢個肺呀﹗等下等下等到二點幾，至有條友仔黎話我地可以check in，又話sorry要我地等咁耐，跟住話頭先我地叫個d野唔洗錢，頂早講嘛﹗等我叫多杯嘛﹗

終於由個staff帶我地去我地住個間房，一入到去，第一句只可以講：嘩﹗好大，好靚呀﹗間房仲有個大大既私人swimming pool添呀﹗係私人嫁﹗仲要都唔係細下喎﹗

間房加埋swimming pool加埋個花園，起碼有成千尺呀﹗個staff不停係度介紹d房既設備我地睇，原來間房仲有個大大個咖啡機，仲有好多款coffee任飲添﹗等佢介紹完

我地就開始係度影相，仲係度飲佢地個welcome drink添﹗一大瓶西瓜汁，超好味﹗

後尾我地問番個staff先知原來呢度係6星級酒店黎嫁﹗唔怪得之啦﹗個爬時麻電視超大超靚，仲有個bose音響+ ipod添﹗仲有呀﹗佢有私人爽拿室嘛﹗簡直係間房就有十級享受啦﹗

安頓好d野後，我地就換衫游水，係私人swimming pool游左陣就出左出面個靚海游水啦﹗個海雖然好清好藍，但係呢度好似冇咩魚咁﹗又冇咩野睇，咁浮潛左一陣就放棄左啦﹗

上沙灘曬太陽﹗跟住我地直情返房自己既私人花園曬添﹗超正﹗曬完仲享受左佢個爽拿呀﹗正呀﹗

夜晚因為呢間resort唔係full board，只係包早餐，咁我地想慳錢唯有食自己個帶黎既杯面啦﹗係萬天星光底下食candle cup noodle，真係第一次咋﹗

沙巴之旅準備篇

Thu, 31 Jul 2008 11:18:36 GMT

話說早個半月訂左去沙巴既機票後我就不停上網睇邊間酒店正，咁我地plan左住4晚3星酒店，2晚靚resort啦﹗

我睇過晒人地d遊記同埋d forum後，我地決定book magellan 呢間酒店呀﹗因為貪佢酒店多設備嘛﹗呢間酒店以家做緊promotion，400馬幣一晚，加埋tax個d我諗為番港紙應該1千蚊右﹗

但係佢個promotion做到8月31號咋﹗send 左email去問佢地會唔會extend佢地話唔會呀﹗激死我﹗咁唯有係我自己上網格下價啦﹗

我問左好幾間local tour都做450馬幣一晚，即係港幣1080一晚。咁我緊係再去d online book酒店個d大web site度睇啦﹗比我搵到priceline係最抵，1020一晚咋﹗又可以用信用咭找數(可以儲分

換asia mile嘛)咁我未拿拿聲BOOK左啦﹗

雖然BOOK左呢間5星酒店2晚，但係其他個4晚都未book呀﹗諗緊住hostel好定三星hotel好﹗3星hotel貴一倍，但係又好似朝淨d喎﹗等我再考慮下先。

而沙巴有人話要去sipanda度潛水，但係好多人都話唔o岩唔識潛水既人，又話浮潛都唔適合喎﹗同埋呢個地方要坐內陸機，我諗我未必去呢度啦﹗

不過我想去mantanan(美人魚島)呀﹗因為我睇過d相個度好靚，同埋坐2個鐘頭車+45分鐘船就到，快過同方便過去sipanda呀﹗不過去mantanan都唔平，浮潛都要馬幣350呀﹗不過咁靚點都想去嫁啦﹗

黃金beach day

Wed, 16 Jul 2008 07:48:30 GMT

黃金beach day

7月1號有假放，約左柏木家去黃金玩左一個晏晝。先去商場個邊食左個小lunch先去沙灘玩。

由於假期既關係同埋之前連繼落左幾個禮拜雨既關係，沙灘好多人，但係我地都玩得好開心。又玩馬騮球，數字球，水中手球…好好玩﹗不過好曬，攪到黑左好多﹗

玩到六點幾先去沖，個更衣室超多人，咁我地就去lock拎番d野，再去遠d個個更衣室沖涼。個度冇人勁正，唔洗等。

夜晚我地去左置樂食飯，由於太肚餓既關係我地好快咁掃晒枱上面既食物，仲係加叫野食添﹗我地既食野速度好驚人嫁﹗呵呵﹗食完就返屋企啦﹗倦到死呀﹗

半天假

Wed, 25 Jun 2008 11:57:26 GMT

估唔到風神可以捱到咁耐，諗住尋晚掛八號，今朝點都要返工，點知又唔洗喎﹗

如果佢掛多2粒鐘我地就唔洗返工嫁啦﹗唔抵呀﹗

不過今日我都點半至返到去咋﹗返三個半鐘又放工，正﹗

ESD JM gathering 打邊邊

Wed, 25 Jun 2008 11:54:22 GMT

上個禮拜五約左ml 既jm打邊爐，好開心，仲食到好飽添﹗

不過我都係覺得上次尖東個間德興好味d。

今次我都係坐kris隔黎，佢多左野講，好開心，希望下次佢唔好咁靜啦﹗

下次去唱k，唔知幾時呢？

12個人好多人呀﹗

上次5月gathering都唔少人嫁﹗

走火警

Thu, 19 Jun 2008 11:00:36 GMT

前晚12點幾，差唔多1點，係屋企冇端端聽到大廈既鐘嚮喎﹗唔知發生咩事？我同志都係度諗咩事，仲開tv睇下樓下大堂情況，睇左陣見到有消防員黎。

我就叫志出去睇下咩事，跟住見d鄰居都係度諗緊走唔走好，攪左一大輪，隔黎左右都決定走落去，咁我同志就好醒咁拎埋濕毛巾落去。

由3x樓行落去都真係唔野少呀﹗

沙巴遊

Thu, 19 Jun 2008 10:56:36 GMT

本來諗住九月同志去大阪，因為志呢排好忙好大壓力，真係好想去旅行等佢relax下。

點知今日上網見到馬航出左特價機票去吉隆坡同沙巴，咁我緊係上網睇下係唔係咁抵﹗點知真係好抵，咁我同志諗過都係下年先去日本，因為今年都用左好多錢啦﹗去大阪唔平，因為去到實會買好多野返黎，咁我地最後都係決定去沙巴呢d陽光海灘relax下算啦﹗

就係咁我地book左9月26號去，10月2號返，去七日，雖然好似七日好耐，但係實質得五日時間，因為去搭晏晝機去到都夜晚，返搭朝早機，個日起身都要走啦﹗所以至決定去咁多日，好彩中間有3日假隔住，唔洗請咁多日假咋﹗hehe

以家我只係book左機票，十分抵買，2456 2個人連機場稅等雜費﹗雖然未book酒店，但係我地budget係每人4千幾蚊左右，連洗費，唔知得唔得呢？

八週年

Thu, 19 Jun 2008 10:50:01 GMT

614，8週年啦﹗我地同614呢3個數字都幾有緣，以家我地住個度架輕鐵得614咋﹗我仲要日日都搭添﹗hehe

個日其實都係落雨，攪到我咩心機，朝早十點幾起身，因為book左todai食buffet呀﹗我覺得個buffet好似比以前差左好多，之前都成日黎食，但係今日個鳥冬麻麻地好食咋﹗

而志又唔知點解今日食得咁少，仲少過我，我都食左3碟甜品嘛﹗haha

食完我地就周圍行下，去左商務買左本好抵既英文書，不過唔知好唔好睇呢﹗行完書局就搭船過海去cwb，係levis買左條牛仔裙﹗跟住我地又過宜傢買左d鏡，細細塊諗住貼係牆度當全身境。原來諗住去睇場戲，點知行行下好倦，就返tst食dinner，因為志要返公司做野嘛﹗食完就過左starbuck坐下，等返屋企啦﹗

我著得似唔似孖寶兄弟？

雖然呢個8週年唔係過得好特別，但係都肴望志鐘意我為佢預備既禮物同蛋糕﹗hehe

Maldives honeymoon - day 4

Wed, 14 May 2008 11:11:43 GMT

Honeymoon Maldives - 17-Feb-08

好耐冇寫呢﹗等我又繼續寫先﹗

第四日朝早八點起身滿心歡喜諗住食完早餐可以出海浮潛，點知本來有對couple join左，但係後尾又cancel左﹗激死我﹗冇得出深海睇魚﹗所以最後我地好無奈咁去左食早餐啦﹗又係buffet呀﹗好多野食，次次都食到好飽，今次我地仲叫左咖啡添﹗不過我個人唔好咖啡我都係出去食鮮奶算數。食飽飽，又係斗一陣，我地諗住問下receiption 2個人可唔可以成行。

去到receiption佢地話2個人要成行就要包船，個價係好貴，我都唔記得呢﹗太貴，唔想join，跟住個度d人提意我地去佢地同一集團既島玩，架船唔洗錢，咁o岩架船到左，我地就由receiption個度跑去碼頭，個條長長既木橋至到既碼頭。好彩最尾我地都趕得切。

到左anasana，我地就周團行下先，呢個島原來都仲細過banyan tree，我地行左一陣就決定都係落海浮潛，咁就拿拿聲落水，先去碼頭附近。嘩﹗係個度已經超多漁呢﹗跟住我地一路游，游左去第二度，超游超發覺呢個島多魚過我地個個島，仲有海底好多珊瑚好靚，d魚又靚，係呢度我地影左唔少海底世界既相呀﹗係度浮潛，唔經唔覺又十二點，我地又要上岸搵toilet沖身。呢個resort幾好，有public沖身間囉﹗沖完我地就係碼頭等船返過banyan tree呢﹗

返到去我地返房放低野就出左去食飯，今次又係buffet，d意粉好好味，我都食左好多野﹗食完就去左做spa呢﹗我地book左三個hours既spa，好貴，成3百幾蚊美金嫁﹗

係spa個度好relax，個d人手勢唔錯嫁﹗我地先做背部按摩，之後就係全身，最後就係facial呢﹗做完真係好relax好舒服﹗做完仲有生果同飲品比我地用添﹗good!!

做完spa都六點幾，我地就係島上面影下相，用腳架影左唔少合照呢﹗影完都七點幾，hea一陣就夠鐘出去餐廳食dinner。今晚終於唔係buffet，係食set嫁﹗個set都ok好味，不過上菜好慢，唔知係唔係要佩合番relax呢個主題呢﹗呢個set仲有甜品送，我叫左個雪糕，志就叫左個雪芭，不過點都係我個個好味d﹗佢地既雪糕係homemade嫁﹗又滑又有好香既奶味，我超鐘意，好想問下佢地點整。不過最尾都冇問，因為我諗問左佢都未必會答我呢﹗haha﹗呢餐飯食左好耐，因為每道菜都等好耐，食左成二個鐘左右﹗食到九點幾先食完﹗食飽飽散行步先返房。個月亮好大好光，成個街燈咁，勁正﹗不過夜晚個海黑麻麻，跌左落數都未必睇到野呀﹗我好有興趣想知夜晚浮潛會係點，不過我冇試，因為好似好危險咁嘛﹗haha

呢晚係我地係banyan tree最後一晚，聽晚又轉resort呢﹗好唔捨得呀﹗

Honeymoon - Maldives Day 3

Fri, 18 Apr 2008 03:24:38 GMT

Honeymoon - Maldives Day 3
朝早我地八點幾起身就去食左個自助早餐先，都好多野食嫁﹗食到好飽。食完就返屋換泳衣落水啦﹗原本想join朝早個個snokling嫁﹗但係因為有d事而postpone左去之後個日。
換完衫係間房門口個度浮潛左一陣，發覺冇咩魚，所以去左第二度潛，個度就多番d魚啦﹗潛完就又係時間食LUNCH，去左餐廳食好好味buffet﹗d野食都幾好食，我也又叫左杯可樂飲，咁又要5蚊美金啦﹗

食完飯，我地book左3點去學做spa，咁就去學下呢﹗好攪笑﹗我同志輪流學，學完我都唔記得呢﹗不過呢個offer係honeymoon offer未當係玩下囉﹗
學完返房抖一陣，我地又左出去曬太陽同游水，好relax，之後仲去左做gym添﹗

夜晚我地係自己間房食，book左七點半係房度食，有私人廚師同待應service我地。仲要對住個無敵大海同睇住日落咁食，真係好開心呀﹗個餐仲好豐富，頭盤係咩三文魚沙律，跟住係有幾種唔同既包，有個芝士條超正，超好味，到主菜就係燒龍蝦，每人一隻大大隻龍蝦呀﹗食到我好飽﹗仲有我地開埋佢送個支紅酒飲添﹗好relax，仲有個天空好多星星，好浪漫呀﹗食完仲有個甜品係唔知咩黎都幾好味，呢餐食得好飽，又食得好開心。果然呢間resort既honeymoon offer好得囉﹗
食飽飲醉又係時間去浸下個私人spa池，睇下天上既星星，咁就一日啦﹗

改名

Fri, 18 Apr 2008 03:05:01 GMT

前日收到公司通知，又改名啦﹗仲要改埋d爛鬼cheap cheap名，個名提都唔想提啦﹗不過我地以家公司既policy要跟番sing tao，咁我地annual leave就會多2日，但係sick leave之前一個月2日，以家變左一年得番12日咋﹗仲要睇中醫唔比放sick leave同claim番錢添﹗麻煩﹗好彩都加左少少人工，都有4.X%嫁﹗好過冇呢﹗雖然都唔太滿意嫁，不過好過冇啦﹗
不過有個壞消息就係我阿HEAD唔諗住請番個accountant住，佢話留番個空位先喎﹗又話我地除左埋數個時忙D外，都handle得到。頂﹗工作量雖然係唔多，但係加左workload就好應該加多d人工嘛﹗算啦﹗有得加人工已經好好啦﹗

UPDATE

Mon, 14 Apr 2008 16:02:42 GMT

我個honeymoon之旅只係寫左頭2日咋﹗仲有6日仲寫，唔係因為我忙得滯冇寫，只係因為我太懶咋﹗不過我一定會完成嫁﹗大家放心啦﹗

呢排身邊朋友都要面對好多問題，都唔知點幫佢地解決好，唯一可以做既都係為佢地祈禱呢﹗相信我地既神會知你地每一個既需要嫁﹗

係esd度識左一班好好既jm，遲d 5月可能會一齊去澳門一日遊添﹗好開心呀﹗hehe

上次3月份gathering我地仲去左打邊邊添﹗食左水晶奶黃好好味呀﹗

Honeymoon - Maldives Day 2

Sat, 15 Mar 2008 06:51:49 GMT

Honeymoon - Maldives Day 2 (15 Feb 08)

經過一晚既休息後，我地八點半起身梳洗完就去左食早餐，間酒店既餐廳係同對面同一集團既酒店一齊用，咁我地就過左對面食早餐。個早餐好普通，雖然自助，但係冇咩好食。食完就係馬里度行下，佢係全世界最細既首都，真係唔大囉﹗呢度應該係同屯門差唔多大囉﹗唔知有冇咁大添﹗行左陣發覺冇料到，就返上屋訓，因為十一點半先有船黎接我地去我地既resort。訓到十一點幾起身梳洗就落樓下，已經有人黎接我地，幫我地拎行李上快艇啦﹗我地又要比多一蚊美金條友呢﹗即係total比左2蚊美金既貼士佢啦﹗

好快我地上到船，架船再去機場島接多一pair人先去banyan tree啦﹗尋晚落機睇唔清個海，今日一睇，個海好靚呀﹗我都未見過咁藍既海，真係好清，好乾淨。我諗我去完maldives之後，去到其他陽光海灘既地方會覺得唔靚囉﹗因為我用普通dc影都影到好POST CARD咁，真係靚到暈呀﹗經過三十分鐘既時間我地終於到達banyan tree啦﹗d人勁nice，一去到仲有welcome drink飲添﹗仲有個專人解釋島上有d咩野比我地知嫁﹗好pro嫁﹗不過原來呢個島好細，行晒成個島都係八分鐘左右咋﹗不過細唔緊要，最緊要個海靚，同埋海底世界靚嘛﹗

我地由專人帶我地去左我地間房先，好正呀﹗有私人SPA按摩池，仲有露天淋浴嫁﹗一個字講晒"正"。由於我地個package係full board 包晒3餐，我地參觀完間房後，即刻去左餐廳食lunch。lunch係自助餐黎，都ok多野食，不過佢地唔提供飲品，次次食野佢地都問我地食咩，後黎問番d staff先知水要3.5美金，我地每次都叫coke, coke就5蚊美金。好貴嫁﹗不過志話唔飲野唔得喎﹗因為佢鐘意一路食一路飲喎﹗

食飽飽我地就去左借浮潛用品，呢個係free幾好，如果唔識游水仲可以借埋救生衣添﹗我地都有借，不過冇用到。借完後我地去join左後日既出海浮潛，不過receiption話得我地2個人join，所以暫時未成團喎﹗叫我地join聽日個個，我都好想join，但係唔方便嘛﹗唉…﹗之後我地順便upgrade埋個honeymoon offer，佢會offer一個私人晚餐，係自己間房出面個沙灘食candle dinner嘛﹗我地upgrade左做seafood餐，有大大隻龍蝦同三文魚食添﹗仲book埋第二晚食添﹗正呀﹗攪掂完我地就返房換衫出去游水。

個海真係好清，但同時個太陽都好勁，好曬，我都要搽晒防曬先出去曬咋﹗我地落左水玩一陣，叫到d海星同海心，好得意咁，仲有個海唔深，除非行左去深藍色既位置，唔係都可以企個人係度，所以唔識游水都唔驚啦﹗hehe

仲有原來我地間房係對住日落嫁﹗勁正，個日落好靚，成個feel都好好。夜晚我地又去左餐廳食，今晚又係食自助餐，我今次叫左coconut飲，不過我覺得凍先好飲，佢個d可能即擇落所以係熱嫁﹗志就叫左杯coke飲，5蚊美金，所以我地好珍惜咁飲呀﹗haha。食完我地就返屋去浸我地既私人spa池啦﹗望住個滿天星星既天空係度浸住，好好FEEL，再加埋同心愛既人一齊，難值浪漫到暈呀﹗由於間房冇電視，我地都好早就訓呢﹗我地仲點埋香薰先訓，好relax，仲聽到d海浪聲，好正呀﹗

Maldives Honeymoon - Day 1

Sat, 08 Mar 2008 03:30:27 GMT

去完honeymoon返黎都未得閒寫番個八日做左d咩添﹗等我慢慢再記低番個幾日做過d咩啦﹗

day 1 – 2月14號 (香港 – 新加坡 – 馬里)

去咁多次旅行都真係未試過搭咁晏既飛機，我地搭1600 Singapore airline飛去新加坡，再轉機去馬里。

朝早再confirm下d行李就出發，今次帶左9支750ml既水去同埋一d零食同杯面去。不過我想講其實唔洗帶咁多支水去囉﹗因為我地個package係full board係包左早午晚三餐，除左第一晚(不過已經係飛機食左2程飛機餐)同最後一晚係maldives既酒店唔包之外，其他都包晒，仲食到好飽添﹗

十二點半係屋企出發，先搭輕鐵去吉之島轉E33。二點半左右就到左機場，先去機場check in完左去換左個d coupon，不過我地冇用到，洩左嘛﹗過左關後先食lunch，食左味千同burger king。食飽飽就周圍行等上機啦﹗

今次架飛機勁正有獨立電視仲可以擇好多新film睇添，我就擇左bee睇，好好笑，仲衰冇廣東話佩音呢﹗新航既飛機餐都ok，最正就係可以叫唔同酒飲，仲有個甜品係哈根大冰淇淋呀﹗超正，士多啤梨味，志唔食，我仲食埋佢個份添﹗

經過3小時45分我地到達左新加坡啦﹗落左機我地就搵下我地去邊個閘口登機，原來要去T2度登機，咁就坐佢地個d冇人列車去登機閘口。去到閘口又要再check過行李，新加坡d保安真係麻煩，o岩o岩先斟完水又要倒左去，真係xyz佢呀﹗

到左八點半我地終於起飛啦﹗呢程都有飛機餐食，不過甜品唔係哈根大，係另一牌子既甜銅，不過都幾好食。又經過四個幾鐘，終於到左maldives啦﹗佢個機場好細，我地一落機行入去就過關啦﹗落左機我見d人好多人都拎住新航送既cake，我記得上網睇d人話新航會送cake比去honeymoon既couple，但係點解我地冇嫁﹗難道志個同事個妹book個時冇同航空公司mark低我地去honeymoon？真係比佢激死呀﹗雖然冇cake食，但係算啦﹗冇謂影響心情嘛﹗

過完關拎埋行李一出黎就見到黎接我地既人，佢幫我地拎行李，跟住搭船去馬里先，因為我地第一晚先住馬里，第二日十一點先去banyan tree。返到酒店都十一點幾，即係hk時間2點幾呢﹗沖埋涼攪呢攪路就1點幾，即係hk時間4點幾好倦，即訓呢﹗

Photo Album: 9 November

Fri, 09 Nov 2007 08:30:58 GMT

9 November

DSCF1066

DSCF1069

DSCF1070

DSCF1073

DSCF1074

DSCF1075

DSCF1076

DSCF1078

DSCF1079

DSCF1080

More Photos...

Photo Album: 婚紗相

Fri, 02 Nov 2007 05:14:15 GMT

婚紗相

76408479.jpeg

76408896.jpeg

76408898.jpeg

76408480.jpeg

76408481.jpeg

76408482.jpeg

76408483.jpeg

76409434.jpeg

76409746.jpeg

76409750.jpeg

More Photos...

Photo Album: 志生日+團年飯2007

Mon, 26 Feb 2007 12:58:26 GMT

志生日+團年飯2007

未命名的相片

More Photos...

Photo Album: 鐘生日07+杜sir食飯

Sun, 21 Jan 2007 17:27:05 GMT

鐘生日07+杜sir食飯

未命名的相片

More Photos...