| Idy's profileIdy之家PhotosBlogLists |  Tools  Help |
|
Idy之家October 22 沙巴HEA下之旅 - day 1 (26/9/08)其實係沙巴返黎都成半個月，但係又係未的起心肝寫番個遊記。其實馬爾代夫個度我都未寫完，覺得自己好懶呀﹗
今次沙巴去左七日呀﹗9月26號返左半日工，一放工就趕去機場同志會合。我地好快手check in完，咁就去左搵野食，最尾我地揀左元氣做我地既lunch。
食飽飽係時候過關入閘，入左閘我地仲係裡行左陣添﹗我地既登機閘口係5號，原來係要坐車車上機，之前去泰國同山東都係要坐車至上到機，可能
因為細機既關係，所以就要坐車上機啦﹗
馬航既飛機餐一般，不過好過冇呢﹗經過差唔多三小時我地終於係6點50到左沙巴啦﹗沙巴個機場都幾靚，仲有starbuck添﹗比起馬爾代夫個個細到阿
媽都唔認得既機場，呢個真係算係大啦﹗仲大過山東個個機場添﹗
我地過完關後，一出到去就見到黎接我地既local tour guide，佢又係叫阿豪呀﹗hehe佢車我地去酒店check in同埋係酒店樓下唱埋錢，我地暫時都係唱左4千蚊
先，跟住我地比埋join local tour既錢比個guide，佢就走左。原來我地plan第二日去美人魚島，點知我地去食dinner個時收到個電話話天氣唔好取消左，所
以我地將原來本第六日去睇長鼻猴同營火蟲改做第二日去。
我地係酒店安頓左就休息一陣，去左酒店樓下個商場行下，搵下有d 咩食，最尾揀左secret recipt食呀﹗叫左個千層面同埋冬陰公面，個冬陰公面幾好味，
但係個千層面就麻麻地﹗我地仲叫左杯咩檸檬特飲，但係我覺得唔好味。最尾埋單都唔平，好似都要3x 馬幣，咁既質素，我覺得唔值囉﹗食完就去左搵
地方食甜品同飲番杯野，去酒店樓下有間叫咩yogort食yogort，好好味，不過都唔平，為番港紙都都要20蚊一杯呀﹗
食飽飽我地決定番酒店休息啦﹗好倦呀﹗ September 10 阿屎整餅上個禮拜二同幾個esd jm去左二德惠學整呢個脆皮奶黃月餅，原來唔難整，仲好好玩添﹗我地幾個傻婆玩得好開心，仲有多多趣事發生添﹗ 不過我禮拜日係屋企再整過，但係買唔到奶黃餡，用左自制個d，果然完全唔似，不過個皮個質感同味道都好ok，但係 就塔左少少，可能我既焗爐關係啦﹗攪到佢個型勁扁呀﹗ 換左新電話換左新電話 上個禮拜我終 於換左部新電話啦﹗之前個部w850i都用左差唔多二年，終於可以比佢休息下啦﹗呢部新電話好正，好多function，個mon又大，仲有16g添﹗不過為左佢我就要轉去個死人3仔台呀﹗冇計，得佢有得賣咋﹗講咁耐，我諗大家都估到我買左部咩電話，haha，未就係3g iphone囉﹗ 呢幾日轉埋3仔台，終於可以隨時隨地上網，玩msn同facebook，超正，仲可以上youtube睇片添﹗ 夜釣墨魚8月29號 不過個度d水好污漕，好似好多油同垃圾咁，釣左d墨魚上黎都唔知食唔食好。開頭個時我釣到隻螌嫁﹗不過又放生左佢。之後好似係婆婆釣到條雞泡魚上黎。我地咁多人釣都係得4條收獲，仲有條係船家釣添﹗不過我都好勁，係第一個釣到墨魚上黎嫁﹗haha August 28 今晚食左咩？今日我煮左麻婆豆腐，番茄豬扒，腐乳炒通菜，再加多個粟米豆腐'更'，原本想煲湯點知最尾都係打消左。
因為未去志屋企拎d南北杏走呀﹗haha
不過上個禮拜我第一次煲呢個青紅蘿白豬骨湯呀﹗好好味呀﹗哈哈… 打風由於上個禮拜五有阿鸚鵡黎左既關係，無端端又多日假啦﹗
不過呢個風真係好勁，吹到我d窗baba聲，攪到我地即刻拿拿聲貼d膠紙係窗到至得。
唔好以為我地就乖乖咁留係屋企喎﹗我地夜晚去左金鐘睇戲呀﹗因為志間公司原本攪左個star war電影比d同業睇嘛﹗
不過打風就真係好多人no show，計埋我同志只係得十個人左右包場睇戲呀﹗勁﹗
仲有free既爆谷同汽水飲，勁正﹗d位舒服喎﹗超正﹗只係套戲麻麻，睇到我好眼訓﹗
睇完搵野食，去左間美國餐廳，食左三百蚊，好飽呀﹗
|
|
|||
|
|
